US-in Israel-ah THAAD missile defence system thawn

US sipaite chuan advanced air leh missile defence system, Terminal High Altitude Area Defense (THAAD) system chu Israel-a hman turin a thawn.

Israel Prime Minister Benjamin Netanyahu chuan an rama THAAD system dah a ni chu lawmawm a tih thu sawiin, hei hi US-in Israel ram himna a ngaih pawimawh zia lantirna a ni, a ti. Netanyahu chuan, "American THAAD system hi khawvela advanced system ṭha ber zinga ngaih a ni a, kan defence system-te nena ṭangkawpin, Middle East brourak tihchhiat tumte do letna kawngah kan chak phah dawn a ni", a ti.

US military pawhin Israel rama THAAD an dahna chhan chu US-in Israel leh a chhehvel bial himna a ngaih pawimawh vang a ni, tiin a sawi bawk.  THAAD system hi US-a ralthuam siamtu lian ber, Lockheed Martin siam a nia, short, medium leh intermediate range ballistic missile kapthla thei tura duan a ni. A advanced radar hi US firm dang, Raytheon siam a ni bawk.