US-in Pakistan mite visa dam hun tihtawi sak

US chuan Pakistan mite hnena US zin theihna tura visa a pek, kum nga chin dam tura a pek ṭhin chu thla thum chinah a tihtawi niin Pakistan-a US embassy thupuangtu chuan a sawi.

He visa policy thar hian civil mite bakah Pakistan journalist-te a huam dawn a ni. An permit an tihthar zel loh chuan thla thum aia rei awm phalsak an ni dawn lo a ni.

Hei bakah hian US chuan Pakistan mite visa dilna fee chu dollar 160 aṭangin 192-ah a tihsan sak bawk.

US in he thutlukna a siamna chhan chu Pakistan-in US mite hnena visa a pek tidanglama, visa period a tithlem leh fee a tihsan hmasak vang niin thupuangtu chuan a sawi. Mahse sorkar official-te hnena visa pek erawh chu a hnathawh hun chhung tur mila pek an ni thung ang.