Iran nuclear site-a chhiatna thlengah Israel mawhpuh

Iran foreign minister Mhammad Javad Zarif chuan Natanz-a Iran nuclear facility pui bera chhiatna thleng chungchangah Israel chu mawhphurtuah puhin, phuba lak ngei a tiam.

Nimina lawmaker-te nena mee­ting an neihah, Zarif chuan Israel official-ten US-inIran a hrekna hlih a nih theihna tur, Joint Comprehensive Plan of Action (JCPOA) kalpui an tum lehna chu an theih anga dan zel an tum tih an lo sawi tawh a ni, a ti.

Iran-in Natanz-a underground nuclear facility-a uranium sawng­bawlna hall pakhatah Pathianni zing khan hun eng emaw chen electric supply a khaihhlak a, hei vang hian chhiatna a thlen phah a ni. Iran semi-official Nournews website chuan electrical grid ṭhenkhat lo khawih buaitu hi hriatchhuah a ni tawh tih a sawi bawk.

Israel-a Kan public radio chuan Iran nuclear site-ah Israel spy agency, Mossad-ten cyber attack an neih thu a puang bawk a, mahse hemi chung changah hian Israel sorkar chuan official-in engmah a sawilang lo.

Natanz facility-a chhiatna a thlen hma, Inrinni liam ta khan Iran president Hasan Rouhani chuan he hmunah hian uranium sawng­bawlna khawl thar a hawng a, an hun hman lai hi national television-ah pek chhuah a ni. Mahse a tuk lawkah chhiatna hi a thleng zui ta a ni.