Bangladesh-in officer khar vek turin hriattir

Bangladesh sorkar chuan an rama hri kai an pun chak avangin nimin khan thupek tichhuakin, office zawng zawng bakah international leh domestic transport-te chu ni riat chhung khar a ni dawn.

Sorkar thuchhuah chuan Nilaini aṭangin he thupek hi hman tur a nih thu a sawi.

Mi maktaduai 160 chenna, Bangladesh-ah hian Covid-19 kai hmuh chhuah tawh hi 6,84,756 awmin, mi 1,939 in an thihpui tawh a ni. Tun hnaiah hri kai thar an pung chak hle a, thla khat chhungin hri kai thar hi a let sarih zetin an pung hman a ni.

Nimina sorkar thuchhuah chuan, sorkar office-te bakah semi-government, autonomous leh private office, financial institution-te khar vek an ni dawn tih sawiin, dawr pawh ei tur lam zawrhna tih loh chu khar vek tur a ni tih a tarlang.

House detention hnuaia hren mek, eptu hruaitu Khaleda Zia chuan Pathianni khan hri a kai tih hriat chhuah a ni a, a inah enkawl mek a ni.