China-in Pakistan-ah vice foreign minister tir

China chuan Pulwama, India-a firfiakte pawikhawihna thlen vanga India leh Pakistan inkar boruak chhe zel siamṭhat pui dan ngaihtuah turin Vice Foreign Minister Kong Xuanyou chu Pakistan khawpui, Islamabad-ah a tir.

China Foreign Ministry thupuangtu Lu Kang chuan Kong hi Pakistan-ah a awm mek a, Pakistan hruaitute chuan India nena an inkar broruakte a sawipui dawn a ni, a ti. China chuan boruak muanawm a awm a duh a, Pakistan leh India pawh inṭhianṭha tak an nih chhunzawm zel a duh tiin a sawi.

Balakot beih a nih hnu lawk hian China chuan ram pahnihte hi inbengdai turin a lo ngen tawh a, India sorkar hnenah pawh firfiakte a bei dawn a nih pawhin ram dangte hriatpuina leh thawhpuina hnuaiah bei turin a ti a ni.