Hong Kong activist Joshua Wong thla li tang turin hrem

Hong Kong-a demo­cracy activist lar tak, Joshua Wong leh midang 47 chu nimin khan na­tional security law hnuai­ah phalna nei loa punkhawmna buatsaih leh, anti-mask law bawhchhiaa puh chungchangah thla li tang tura hrem an ni.

Kum 24 mi Wong hi kum 2019-a Hong Kong sorkar laka lungawi lohna lantira nawrh huaihawta puh a nih chungchangah thla 13 leh a chanve tang tura hrem a lo ni tawh bawk a ni.

Democracy thlawpa Hong Kong-a nawrh huai­hawtten an hmel thupna atana face mask an hman ṭhin avangin kum 2019, October thla khan Hong Kong hruaitu Carrie Lam chuan punkhawmna hmuna mask hman khapna dan hi a puang a ni.

He dan bawhchhiate chu kum khat lungin tan tir bakah HKD 25,000 thleng chawi tir theih an ni.