SKorea President-in NKorea nen inbiak a duh

South Korea president Moon Jae-in chuan nimin khan an ram TV boardcast-te kaltlanga kum thar thuchah a sawinaah North Korea nena inbiakna neih a duh thu a sawi.

Moon Jae-in hian hemi chungchangah hian North Korea leh US-te chuan ral­muang taka inbiakna nei ṭha leh thei se a duh thu a sawi bawk. Korean Peninsula-a security lama thawhdunna ṭha a awm theih nan Moon hian an ram khawpui Seoul-ah NKorea hotupa Kim Jong Un chu hmuh ngei a duh thu a sawi bawk. 

Tunhnai lawk khan NKorea hian "new strategic weapon" policy thar an duangchhuak a, hemi hnu hian SKorea lam hian inbiak an duh thu hi an sawi ve leh ta thung a ni. SKorea president chuan nikum lama NKorea nena inbiakna an neih hleihtheih loh avanga pawi a tih thu leh ram pahnihte chuan Korean Peninsula-a thawhdunna ṭha an neih a pawimawh thu a sawi a ni.