Turkey-ah Afghanistan peace talk nei dawn

Afghanistan rama remna leh muanna a awm theihna tur kawng zawnga inbiakna, peace talk chu Turkey ramah neih a ni dawn a, he inbiakna hi April 24-May 4 chhung neih a ni ang.

Turkey foreign ministry chuan ni 10 awh tur summit-ah hian Aghanistan sorkar leh Taliban aiawhte an tel dawn tih a sawi. Mahse thuchhuah a siam hnu lawkah Taliban chuan an rama ramdang sipaite chu lak chhuah vek a nih loh chuan Afghanistan chungchanga summit neihah an tel ngai dawn loh thu an sawi leh a ni.

Meeting-ah hian United Nations leh Qatar aiawhte pawh tel tura tih an ni a, Afghistan sorkar leh Taliban-te inremna siam theih dan tur te, Afghanistan ram tana ruahmanna siam te, tualchhung buaina awmte tihtawp a nih theih dan tur chu an ngaihtuah ho ber tur niin ministry thuchhuah chuan a tarlang.