Mi 150 chuanna Ethiopia thlawhtheihna chesual

Thawktu leh khualzin 150 chuang chuanna, Ethiopia Airlines thlawhtheihna Boeing 737 chu nimin khan Nairobi, Kenya pana a thlawh laiin a tla.

Ethiopia prime minister office chuan thuchhuah siamin, Ethiopia khawpui Addis Ababa-a Bole International Airport aṭanga thlawk chhuak, flight ET 302 hi a thlawhchhuahna aṭanga chhimchhak lam km. 62 vela hla, Bishoftu khaw bulah a tla tih a sawi. Thlawhtheihna tlaa thi zat hi hriatchian an la ni lo.

Ethiopian Airlines chuan thlawhtheihna tla hi Boeing 737-800MAX a nih thu sawiin, an ram huna zing dar .38-ah thlawk chhuakin dar 8.44 ah a chesual ta niin a sawi.

Kar kalta Inrinni khan Colombia ramah thlawhtheihna tlain mi 12 an thi bawk. Special Administrative Unit of Colombia`s Civil Aeronautics (Aerocivil) chuan thlawhtheihna tla hi Douglas DC-3 a nih thu sawiin, San Jose del Guaviare leh Villavicencio inkara thlawk ṭhin a ni. Thlawhtheihna chetsual chhan hi chhui chian mek a ni bawk.