Palestinian President-in PM thar tur ruat

Palestinian Authority President Mahmoud Abbas chuan prime minister atan hun rei tak a lo thawhpui tawh Mohammad Shtayyed a ruat.

President thupuangtu Nabil Abu Rudeineh chuan President Abbas hian Pathianni khan Fatah party central committe president, Shtayyed hi a office-ah hmuin, sorkar thar siam turin a hrilh tih a sawi.

Kum 61 mi, Shtayyed hian Prime Minister kalchhuak tur Rami Hamdallah a thlak dawn a ni. Hamdallah hian January thla tawp lam khan banna a lo thehlut tawh a, amah thlaktu tur ruat a la ni loh avangin PM dinhmun hi a la chelh chhunzawm rin a ni.

Shatayyed hi US kaihhruainaa Palestinian leh Israel inkara inremna kawng zawnga inbiaknaa Palestinian team member ṭhin a ni.