Israel hi Juda ram bik a ni : Israel PM

Israel Prime Minister Benjamin Netanyahu chuan Israel chu Juda ram bik a ni tih a sawi.

Israel PM hian Instagram post a chhannaah, Israel chu a citizen zawng zawngte ram ni loin, Juda mite chauh ram a ni tih a sawi a, hei hi an rama Palestinian Arab mite a sawina a ni. Hemi rual hian Israel-a chengte chuan dikna chanvo ang khat vek an neih thu a sawi thung.

Benjamin Netanyahu chuan nikuma dan an pass-ah, Israel chu Juda mite chauh ram a ni tih a sawi. Israel Parliament-in dan a pass tharah Arabic chu official language aṭangin paih a ni a, 'special status' hnuaiah dah niin, Hebrai ṭawng chauh chu official language-ah pawm a ni. Hei bakah hian Jerusalem pum chu Israel khawpuiah pawm a ni bawk.

Israeli actor, Rotem Sela-i chuan a instagram-ah Natanyabu-a cabinet zinga mi, Palesitian mite sawisel fo ṭhintu Culjture Minister Miri Regev interview chu sawiselin, "Engtikah nge he sorkar hian mipuite hnenah he ram hi a citizen-te zawng zawng ram a ni tih a hrilh ang?" tiin zawhna a siam a, Arab te, Druze leh mahni anpui kawp ṭhinte pawh mihring vek an ni, tiin a ziak a ni. He post hi PM hian chhanign, Isarel chu Juda-te ram, democracy ram, mitinin dikna chanvo inang an neihna ram a ni a, mahse citizen zawng zawng ram ni loin Juda-te ram bik a ni, a ti.