Singapore-in Boeing 737 Max thlawhtheihna hman khap
Ethiopian Airlines thlawhtheihna, Boeing 737 Max tlaa mi 157 an thih hnua China chuan an ram airlines-te chu Boeing 737 Max hman rih lo turin a hriattir a, hemi hnu hian Singpaore pawhin hman a khap ve leh.
Civil Aviation Authority of Singapore (CAAS) chuan thuchhuah siamin, thla nga chhunga Boeing 737 Max thlawhtheihna ṭum hnih chetsualna a thlen tawh vangin Singapore-a lut leh chhuak turah heng thlawhtheihna hi nimin aṭang khan hmang tawh lo turin a ti a ni.
US aviation regulator chuan Boeing 737 Max hi an dintir ve dawn lo a, mahse Boeing hnenah an thlawhtheihna hi ṭha zawka siam dan ngaihtuah thuai turin a ti.
US Federal Aviation Administration (FAA) chua National Transpor-tation Safety Board leh tualchhung thuneitute nen thawkhoin, he thlawhtheihna chung-changa safety information pawh an tichhuak thuai dawn tih a sawi. A him tawk lohna nia hriatte zawnchhuah an tum dawn a, hemi hnu hian a ṭul angin FAA chuan hma a la nghal dawn a ni, a ti.
Boeing chuan MAX series hi thlawhtheina a siam zinga a hralh chak ber nia sawiin, customer 100 vel hnen aṭangin order 5,000 chuang a hmu niin a sawi. China chuan 180 orderin heng zinga 76 hi pek a ni tawh a ni.