US-a inpawngkahna thlengah mi panga an thi
US-a Indianapolis-a FedEx facility-ah an ram huna Ningani zan khan mi pakhatin a silaiin mi a pawng kah a, mi panga kaphlumin mi dang eng emaw zatin hliam an tuar bawk. Pawikhawihtu hi a hnuah amah a inkap hlum zui tih police-ten an sawi.
Indianapolis police thupuangtu, Genae Cook chuan pawikhawihna thlenna hi Mirabel Road-a FedEx site, international airport bul a ni tih a sawi. Hliam tuarte chu damdawi-in hrang hrangah kalpui nghal an ni tih a sawi bawk.
US-ah hian kumtinin silai hmanga pawikhawihna thleng vangin mi 40,000 dawn an thi ziah anga chhut a ni. Hei vang hian gun regulation chungchang pawh politics khelhna hmanruaah an hmang nasa hle a ni. President Joe Biden chuan silai hmanga pawikhawihna thleng ṭhin tihtlem a nih theihna atan thupek paruk a lo siam tawh bawk a ni.