Greece-a pem awmna camp-a chengte khung hrang

Greece-a pemte awmna hmun pakhat Malakasa camp-ah kum 53 miin Covid-19 hri a kai tih hriat chhuah a ni a, hei vang hian he camp-a awm mi 100 vel chu khung hran ngal an ni.

A hmain central Greece-a Ritsona camp-ah mi 20-in hri an kai tih hriat a lo ni tawh bawk a, he camp-a awmte hi an awmnaah hian pawn chhuak thei loa khunghran nghal an ni bawk. Nimina Malakasa camp-a hri kai hmuh chhuah hi a kai dan chhui mek a nih thu leh, he camp-a awmte hi kar hnih chhung chu khung hran an ni rih dawn tih migration ministry chuan a tarlang.

Greece-ah hian pemte awmna camp a awm nual a, heng camp-ahte hian pem 1,10,000 chuang an cheng mek a ni. Camp pangaah chuan pem 40,000 vel an cheng khawm nia sawi a ni bawk. Hri kai hmuhna camp pahnih hi police-te chuan uluk takin an veng zui bawk.