Philippine-ah dan bawhchhia kaphlum

Philippine president Rodrigo Durterte-a'n an rama hri leng darh tur venna atana lockdown an puan bawhchhia leh, buaina siam zawnga chete kahhlum phalna a pek hnuah, dan bawhchhia mipa pakhat chu police-ten an kaphlum tawh. 

Police-te chuan an kahhlum hi kum 63 mi a nih thu sawiin, Agusan del Norte province-a Nasipit khuaa checkpoint vengtu, police leh tualchhung official-te chu zu rui chungin a ti buai tih an sawi. 

Health worker-in hmaituamnna hmang tura a hrilh chuan he pa hi thinrimin, ṭawngkam chhe taka a an khum bakah hriamhrei nen beih zui a tum niin police report chuan a tarlang. Police-te khapna a ngaih pawimawh loh avangin an kaphlum tih an sawi a ni. 

President Durterte chuan hri leng vangin hun khirh tak an hmachhawn mek a, sorkarin dan a siamte zawm turin mipuite a lo chah tawh a ni. Hei bakah hian damdawi lam thawktute ti buai leh ti na lo turin mipuite a hrilh a, hei hi pawikhawihna lian tak a ni tih a sawi. Thupek zawm lo a, buaina siam a, midang nunna tiderthawng zawnga awmte  kahhlum phalna a pe tawh a ni.