DRC President-in tang 700 ngaidam

Democratic Republic of Congo (DRC) President thar Felix Tshisekedi chuan politics kaihhnawiha man mi 700-te a ngaidam. Heng mite hi thuneihna a chan hmaa mante an ni.

Felix Tshisekedi hian inthlan dawnin President atana thlan tlin a nih chuan ni 100 chhungin politics thil avanga dik lo taka mante chu chhuah zalen a lo tiam tawh a, a thutiam hi tipuitlingin Nilaini khan tang 700-te chhuahna tur thupek hi a tichhuak a ni.

Tang chhuah zingah hian kum 2000-a ram himna tiderthawnga nia puha man leh kum 20 tang tura hremm, Firmin Yangambi pawh a tel. Ani bakah hian kum nga tang tura hrem eptu hruaitu Franck Diongo pawh a tel bawk.

Tshisekedi hi nikum December 30-a president thlannaah thlan tlin niin, kum 18 zet ro lo rel tawh Joseph Kabila a thlak a ni.