North Korea-in US nena inbiakna titawp maithei

North Korea chuan US nena inbiakna a neih chu a titawp maithei nia sawi a ni a, hei bakah hian US-in an ram ngaihnathiamna a neih loh chuan missile leh nuclear test tihtawp a tum pawh ngaihtuah ṭhat a duh nia sawi a ni bawk.

US Secretary of State Mike Pompeo chuan US chuan NKorea nena inbiakna neih chhunzawm zel a duh thu leh, NKorea hotu Kim Jong-un chuan nuclear leh missile test chhunzawm tawh lo tura a intiamna pawh a vawn an beisei thu a sawi. Hemi rual hian NKorea-in a nuclear programme-te a tihtawp loh chuan US-in hrekna a lo siam tawhte chu thlahdul a tum lo tih a tilang nghal bawk.

US President Donald Trump leh NKorea hotu Kim Jong-un-te chuan February thla tawp khan Vietnam khawpui, Hanoi-ah summit vawi hnihna an nei leh a, mahse he meeting hi inremna siam loin tihtawp a ni. Hemi rual hian ram pahnihte chuan inbiakna neih chhunzawm zel erawh an duh thu an sawi.