Trump-an a veto hmang

US President Donald Trump chuan kar kalta Zirtawpni khan US-Mexico ramri hungna bang siamna tura sum a hmuh theih nana national emergency a puan, Congress-in a hnawlsakna chu a veto hmangin a hnawl ve leh.

Kar kalta Ningani khan Senate-ah national emergency puan chung-chang hi ngaihtuahin vote lak a ni a, a thlawp lo lamah Republican senator ṭhenkhat pawhin vote an thlak a ni. Hemi hma hian House of Representative pawhin a lo hnawlsak tawh bawk.

Mahse President Trump chuan rorelna-in in thutlukna a siamte hnawlsak thei tura dan-puiin thuneihna a pek, veto hmangin Congress thutlukna hi a hnawlsak a, veto a sign chu a inchhuang hle tih a sawi nghal bawk.

Trump chuan veto hian Congress pawmpuina kher loin, America mipuite himna tura ramri hungna siamna tura sum a hmuh theihna tur a rawn nemnghet a ni, a ti. Phalna nei loa an rama ramdangmi an lut reng ṭhin chu tihtawp a hun tawh a ni, tiin a sawi.