Turkey phuba laknaah Syria sipai 30 tal an thi ang: Turkey President

Turkey president Tayyip Erdogan chuan Turkey-in Syria hmar­thlang lam province Idlib an kah letnaah Syria sipai 30 tal chu an thi tih nimin khan a sawi.

"Hetiang beihletna hi kan chhanglet zel dawn a ni. Idlib-a kan unaute leh kan mite tan, kan ram himna turin beihpui kan thlak zel dawn a ni," a ti.

Russia in a thlawp, Syria sorkar hian kar hma­sa khan Idlib-a Turkey awmte thlawhtheihna hmangin an bei a, Tukey sipai pali an thih bakah midang pakua an hliam. Turkey President hian Zirtawpni liam ta khan Syria hi an chhanglet dawn tih a lo sawi tawh bawk.

Hetihlai hian Syrian Observatory for Human Rights chuan Syria sipai hi paruk an thi niin an sawi thung.