Dubai hospital-ah Musharraf dah

Pakistan President hlui General Pervez Musharraf-a chu a dinhmun ṭhat loh vangin Inrinni zan khan Dubai hospital-ah dah a nih thu All Pakistan Muslim League (APML) Secretary General Mehrene Adam Malik chuan a sawi.

APML Overseas President Afzaal Siddiqui chuan Musharraf hian amyloidosis natna neiin, enkawl mek a ni tih a sawi a, mahse Inrinni khan a chauh zual avangin damdawi-in panpui a ni tih a sawi. He natna hian a nervous system a khawih niin a sawi a, din leh kal vel pawh a harsat phah hle niin a sawi. Thla nga thla ruk vel chu uluk taka enkawl a ngai dawn tih a sawi, a dam ṭhat hnuah Musharraf hian Pakistan lama kir a tum tih a sawi bawk.