Israel court-in far-right candidate a hnawl

Israel Supreme Court chuan kumin April thlaa inthlanpui neih tura far-right candidate chu chi inthliarna lam hawi zawnga thu sawiah puh a nih vangin Pathianni khan candidate a nihna a hnawlsak.

Court chuan thuchhuah siamin, Union of Right-Wing Party candidate, Michael Ben-Ari chuan inthlan a chuh thei dawn lo tih a sawi a, Arab chungchang leh firfiaka chetna thlenga inhnamhnawihte chung-chang a sawi dan chu chi inthliarna lam hawi leh, inhuatna chawk tho thei thil a nih avangin candidate a nihna chu hnawlsak a nih thu a sawi. Hemi rual hian Arab party, Balad chu inthlanah a chuh a phalsak thung.

Israel election board, Central Elections Committee chuan tun thla tir lam khan Balad party hi inthlana chu a khapsak a, Ben-Ari chu candidate atan a pawm thung. Mahse Supreme Court chuan board thutlukna hi a hnawlsak ta a ni.

Balad party chuan Israel chu a ram mipui zawng zawng, Arab mite pawh telin an ramah siam an tum tih an sawi. Israel-ah cheng zinga 20% hi Arab an ni.

Israel Prime Minister Benjamin Netanyahu chuan Israel rama chengte chu dikna chanvo ang khata pek vek ni mah se, Israel chu Juda ram bik a nih thu a lo sawi tawh thung. Israel ram inthlanpui hi April 9 hian neih a ni ang.