Egypt-a rel chesualah mi 11 an thi

Egypt rama Qalyubia province-ah Cairo aṭanga Nile Delta pan rel a chesual a, mi 11 an thi a, mi dang 98 in hliam an tuar.

Egyptian National Railways-in a tarlan danin, an ram huna Pathianni tlai lam khan he rel hi Cairo hmar lam, km 40 vela hlaa a tlan laiin a chesual a, rel pindan pali a let a ni. Rel chetsualna chhan hi hriat chian a la ni lo a, chhui zui mek a ni.

Egypt ramah hian rel chetsualna a thleng fo a, March thla pawh khan Cairo chhim lamah rel pahnih an insu a, mi 20 thiin midang 200 dawnin hliam an tuar a ni. Kar liam ta pawh khan Minya al-Qamh-ah rel chesualin, mi 15 in hliam an tuar bawk.

Rel chetsualna hi a thlen fo avangin social media lamah transport minister, army general hlui Kamel al-Wazir chu bang tura phutna a tam hle. Mahse Kamel chuan a bang dawn lo tih sawiin, rail network tihma­sawnna turin theihtawp a chhuah zel zawk dawn tih a sawi a ni.