Hong Kong-in articifial island siam dawn

Hong Kong chuan khawvela artificial island lian ber zinga mi tur chu US dollar tluklehdingawn 79 sengin siam a tum tih a puang.

Hong Kong sorkar chuan Lantau thliarkar ram heactare 1,000 a zau chu artificial island siamna tur hian a lei dawn a, kum 2025 aṭangin hna thawh ṭan beisei a nih thu an sawi. Artificial island hi khawpui chhung tawt tawh lutuk tih ziaawmna kawng khat atana a ruahman niin, kum 2032-ah chuan khawpuia cheng, insawn duhte chuan an insawn theih hman beisei a ni.

Artificial island siam tur hi Hong Kong sorkarin infrastructure project a siam tawh zinga hautak ber tur niin, kum 1998-a Lantau-a hawn, Hong Kong International Airport siamna aiin a senso hi a let li zetin a tam dawn a ni. He thliarkar an siam chawp tur hi New York-a Central Park let thum vel zeta zau a ni a, in 260,000 vel a awm thei dawn a, heng zinga 70% chu mipuite chenna atana ruahman a ni dawn tih sorkar chuan a sawi.