Pakistan sorkarin leiba rulh nan sorkar ram hralh tum

Leiba ngah avanga harsatna tawk mek, Pakistan sorkar chuan an leiba rulhna turin federal ministry hrang hrangte ram leh in, hman loha awmte chu hralh an tum tih sorkar chuan a sawi.

Prime Minister Imran Khan-a kaihhruaia cabinet meeting neihah he thutlukna hi siam a ni a, leiba Pakistan pawisa cheng trillion 27 chuang zet an neih avanga an ram economy-in harsatna a tawh mek chinfel dan kawngte an ngaituah a ni.

Pakistan Information Minister Fawad Chaudhry chuan ministry leh department te hmun, hman loha awmte chauh chua hralh a ni dawn tih a sawi a, ministry hrang hrangte hian an hmun neih list pawh cabinet-ah an thehlut tawh niin a sawi. Sorkar ram leh in hralh tur chu chak zawka kalpui a nih theihna tura buaipui turin Asset Management Committee din a ni nghal bawk.

PM Imran Khan chuan nikum September thla khan sorkar ram zau tak, hman loha dah mai maite chu thil ṭangkai leh hlawk zawkah hman theih a nih tur thu a lo sawi tawh a ni.