US-in NKorea hrekna thar siam leh

US chuan Ningani khan North Korea-in nuclear weapon programme chungchanga hrekna a hmachhawn mek pumpelh a nih theihna atana puitua puh, China shipping company pahnih hrekna a siam thar leh. Hei hi February thlaa US leh NKorea hruaitute summit neih hnua hrekna a siam hmasak ber a ni.

US Treasury Department chuan North Korea tanker-te hnena dan kalha refined petroleum pe leh NKorea coal thawnchhuahna atana hman nia sawi lawng 67 list pawh a tichhuak bawk.

China shipping company pahnih hrekte hi Dalian Haibo Internatinonal Freight Co Ltd leh Liaoning Danxing International Forwarding Co Ltd.-te an ni a, heng lawngte hian US leh ram dangten NKorea an hrek mekna palzutin an pui nia sawi a ni. Hemi chungchangah hian company lam hian thuchhuah engmah an la siam lo.