EU-in UK Brexit pawhsei phalsak

European Union (EU) chuan EU aṭanga Britain inlakchhuah hun tur chu pawhsei an remtihsak.

Ruahmanna an lo siam tawhah chuan March 29-ah Britian hi EU aṭangin a inlachhuak dawn a, mahse inlakhranna tura Britain Prime Minister Theresa May-i leh EU hruaitute inremna siam, Withdrawal Agreement chu Britain Parliament chuan thlawp loin ṭum hnih a hnawlsak tawh a ni. Hemi hnuah inremna siam loa chhuah, no-deal option pawh an duh loh avangin inremna tur siamṭhat a nih theih hian hun pawhsei sak turin May-i hian a ngen ta a ni.

Ningani zan kah EU hruaitute leh May-i chuan Brexit pawtsei tura inremna an siam theih tak thu an puang a, karlehah hian Britain Parliament-ah vote lak a nih leh ang. Hemi hunah pawh inremna siam hi an la pawm thei lo a nih chuan, EU Council chuan Britain inlakhranna tur April 50 chu April 12 thlengin a pawtsei leh dawn a ni. Article 50 pawhseinna tur hi EU member ramten lungrual taka an pawmtlan a ngai ang.