Cuba hruaitu thar atan Miguel Díaz-Canel

Cuba ram hruaitu thar, kum 60 mi Miguel Díaz-Canel hnenah Thawhṭanni khan thuneihna hlan a ni a, kum 1959 revolution hnua Cuba ram hruaitu, Castro tih hming pu lo hmasa ber a ni.

Díaz-Canel hi Cuba rama dinhmun pawimawh ber pahnih, Cuban Commu­­nist Party (PCC) first secre­tary leh Cuba president atan ruat a ni. Thawhṭanni khan hruaitu kalchhuak, kum 89 mi Raul Castro chuan thuneihna hi a hlan.

Raul Castro hian a u, Fidel Castro a thlak hnuah kum 2012 khan Díaz-Canel hi vice president atan a lo ruat tawh a ni.

Díaz-Canel chuan Raul Castro hi thlak mah se, thutlukna pawimawh siam turah chuan a la rawn zel tur thu a sawi.