Africa rama cyclone tleh vanga thi 700 tling tawh

Africa ram pathum - Mozambique, Zimbabwe leh Malawi-ah cyclone Idai tleh leh tuilianin chhiatna a thlen vanga thi chu Inrinni khan mi 700 an chuang tawh.

Mozambique Land and Environment Minister Celso Correia chuan thlipui tleh leh tuilian vang hian an ramah mi 417 an thi tawh tih a sawi a, chhiatna tawkte chhanchhuah leh chhawmdawl hna thawh chhunzawm reng a nih thu sawiin, thil awmdan pawh a ṭha chho dawn tawh niin a sawi.

Zimbabwe-ah pawh mi 250 chuang thiin Malawi-ah mi 56 an thi tawh bawk.

Ram pathuma chhiatna tawkte ṭanpui hna hi ngawrh taka thawh niin, sorkar leh pawl hrang hrangte chuan theihtawp an chhuah mek a ni.