Mueller report: President Trump-an Russia a thawhpui lo

Kum 2016 US president thlannaa Russia inrawlha, President Donald Trump nen an inthurual nia puhna chungchang chhuitu, Special Counsel Robert Mueller chuan a thil chhui hna zoin Pathianni khan Congress-ah report a thehlut a, inthlan vuakvetah hian Preident Trump hian Russia a thawhpui lo tih a sawi.

President Donald Trump chuah he puhna hi a hma aṭangin thu dik lo a nih thu a sawi tawh a, chhui zui a nih pawh amah mimal beih tumna mai niin a lo sawi fo tawh a ni. Pathianni-a Mueller-an report a thehluh hnuah hetiang thil an kalpui chu an ram tan pawh thil zahthlak tak a nih thu a sawi.

Mueller-a hian president thlanna neiha Russia inrawlh leh, Russia puihna avanga Trump hi tling thei nia sawi chungchang hi kum hnih chhung a chhui a, Congress-ah a report thehluhah hian President chuan thil a tisual lo tih a tarlang lo a, hemi rual hian an puhnaah hian a fihlim ta vek e tih pawh a sawilang chuang lo tih a sawi.

Congress-a report puangtu, attorney general William Barr chuan special counsel hian Trump campaign emaw, US mi leh sa tu pawh campaign kaihhnawiha Russia thawhpui tumah a hmu lo tih a sawi.