US Jury-in Chauvin thiam loh a chantir

US jury member 12-te chuan nikuma Minneapolist-a mi hang George Floyd thih chung changah police officer hlui, Derek Chauvin chu thiam loh an chantir.

Kum 45 mi, Derek Chauvin nikum May thlaa George Floyd a man khan a nghawngah minute kua aia rei a ṭhingṭhit hnan nia sawi a ni, Floyd hi che thei loa awm zuiin a hnu lawkah a thi a ni. He thil thleng vang hian US khawpui hrang hrangah chi/ vun rawng inthliar duh lohna lantirin nawrh huaihawt chhunzawm a ni a, hmun tam takah buaina nasa tak a chhuak zui bawk.

Chauvin hi thubuai pathum - second-degree murder, third-degree murder leh manslaughter-ah thiam loh chantir a ni a, a hremna tur hi thla hnih hnuah puan a ni ang. Bail a dilna pawh hnawlsak nghal a ni a, Chauvin hian thiam loh chantira nihna hi a appeal rin a ni bawk.