Israel-in khuahkhirhna thlahdul Face mask tel loa pawn chhuah phal

Israel chuan Covid-19 vaccine pek runpui hlawh­tling taka kalpuiin, an ram mipui kum 16 chunglam zinga 81% hnenah vaccine pek a nih tawh avangin hri leng vanga khuahkhirhna a siamte a thlahdul.

Pathianni aṭang khan pawn chhuahnaah face mask vuah tura thupek lo siam tawh chu sut a ni a, kum khat hnuah face mask vuah loin pawn chhuah phal a ni ta. Hetih lai hian ram dang aṭanga lut turte tan khuahkhirhna erawh la hman chhunzawm a ni a, ram dang aṭanga lutte chu inkhunghrang phawt tura tih an ni.

Prime miniser Benja­min Netanyahu chuan coronavirus leng laka fihlim turin hma an hruai mek tih a sawi a, mahse an hmalakna an la zo lo a, hri pawh rawn kir leh reng thei a ni, a ti. Vaccine la an tam a, damdawi-ina hri kai enkawl pawh an tlahniam tawh hle.