Brazil president hlui jail aṭangin chhuak

Brazil preident hlui Michel Temer leh a thawhpui hnai mi pasarihte chu Thawhṭanni khan jail aṭanga chhuah tir an ni.

Federal judge Antonio Ivan Athie chuan Temer leh midangte hi panel of judge-in an chungthu a ngaihtuah hma ni hnihah jail aṭangin a chhuahtir a ni. Athie chuan judge ho thutlukna nghak tura ni hnih dang jail-a lo dah hi a ṭulna a awm lo tiin a chhuahtir tih a sawi.

Temer hi president a nih laia nuclear energy firm Electronuclear hnenah Angra 3 power plant sakna tur contract pek chungchanga firm hnen aṭang hian thamna laa puh a ni. Kar kalta Ningani khan Sao Paulo-a a chenna inah man a ni a, Rio de Janeiro-ah hruaiin federal police force headquarters-ah hren zui a ni.