London-ah Police officer-in firfiaka Rinhlelh mi pakhat a kaphlum

London chhim lama awm Streatham hmunah Pathianni khan police officer-te'n firfiaka rinhlelh mi pakhat kum 20 mi, Sudesh Amman an kahhlum thu London Metropolitan Police-te chuan an tarlang.

Streatham hmuna mipuite chu a tibuai niin police-te chuan an sawi a, police-te chuan he thil thleng hi bawh zuiin, police leh misual inbeihna hi a tleng zui a ni. 

He thil thlengah hian mi pathumin hliam an tawrh thu leh, mi pakhat dinhmun hlauhthawn awmah a awm thu police-te chuan an tarlang bawk.

An kahhlum tak hi hmanni lawka jail aṭanga chhuah a ni a, a hma pawhin firfiaka chetna thilah man a lo ni tawh bawk a ni. Police-te chuan Islam firfiak pawl a nih an rin thu an sawi.