Israel-in Syria beihna chhang let

Israel sipaite chuan Syria ram aṭanga an ram chhim lam missile hmanga kah a nih avangin nimin zing khan chhang letin, Syria rama Iran-in missile leh ralthuam dang a siamna hmun nia sawite chu an kap.

Israel Defence Force chuan surface-to-air missile hmangin Syria ram aṭangin Israel chhim lam, Negev kah a ni tih an sawi. Hei hi chhangin missile rawn kah chhuahna hmun an kap let ve nghal tih a sawi a ni.

Hetih lai hian Syria state media outlet Sana chuan Israel hian Syria ram a luahsak, Golan Heights aṭangin a rawn kap a, Damascus-a ram ruak a kap niin a sawi. Syria air defence battery-te chuan Israel missile kahchhuah tam zawk chu an lo dang niin a sawi bawk. Israel-in a kahna avang hian thil tichhiat leh hliam tuar an awm lo niin a sawi a, mahse Dimona nuclear site bula Abu Qrenat khuaah chuan siren tihrik a ni.

Kum 2011-a Syria civil war a thlen hnu khan Israel chuan Syria ram hi a bei fo a , Iran hmun leh hma neihte leh Lebanon helpawl Hezbollah te bakah Syria sipaite a bitum ṭhin.