Boeing-in 737 Max thlawhtheihna siamṭha dawn

Boeing chuan 737 Max thlawhtheihna control system chu a siamṭha dawn tih a puang.

Thla nga chhunga 737 Max thlawhtheihna pahnih chetsualna lian tak a thlen vangin he thlawhtheihna hian sawisel a tawk nasa hle a, ram hrang hrangah hman chhunzawm phal loin dintir an ni.

Investigator-te chuan 737 Max pahnih chetsualna chhan tak hian la chhui chhuak lo a ni. Indonesia-a Lion Air leh Ethiopian Airlines thlawhtheihna tlaah hian alert systems a awm a, mahse Lion Air flight tlak chhan an chhuinaah hian he system hian hna a thawk lo nia sawi a ni.

Boeing chuan safety system an dah belh turah hian thlawhtheihna lo lei tawh, airlines-te chu sum an chawi belh tir dawn lo tih a sawi. Boeing vice president Mike Sinnett chuan chetsualna a thlen nawn tawh lohna turin theihtawp an chhuah tih a sawi.