East Jerusalem-ah buaina chhuak

East Jerusalem-ah Ningani khan far-right Jewish activist leh Pales­tinian-te inkarah buaina chhuakin mi tam takin hliam an tuar.

Palestinian-te hian Ramadan an hman tur chu police-ten an dang nia sawiin East Jerusalem-a Damascus Gate pawnah a pungkhawm a ni. Jewish activist-te chu an pun­khawmna bulah hian kal vein, Palestinian-te nen hian an intibuai zui a ni.

Police-te chuan pawl pahnih intibuaite pawh ṭhen tumin stun grenade leh tear gas-te an hmang a, pungkhawm zinga ṭhenkhat chuan police-te hi lung leh bur ruakin an lo vawm let bawk. Police-te chuan pungkhawm zinga eng emaw zat an man zui a ni.

Palestinian Red Crescnet chuan buaina chhuakah hian Palestinian mi 100 velin hliam an tuar a, an zinga 21 chu an hliam nat avangin damdawi-inah enkawl an ngai tih an sawi.