Japan-in short emergency puang

Japan sorkar chuan nimin khan Covid-19 hri leng vangin Tokyo, Osaka leh bial dang pahnihah 'short' emergency a puang.

State of emergency hi April 25-May 11 inkar chhung atana puan niin, hemi chhung hian sorkar chuan restaurant, bar leh karoake parlour-te chu inkhar turin a ti a, infiamnna hmunah pawh entu awm phal a ni lo.

Japan hian Olympics Games a thleng dawn a, hei vang hian an rama hri leng khuahkhirh tumin hma a la mek a ni. Economy Minister Yasutoshi Nishimura chuan emergency puan chhung hi rei lo mah se, khauh taka kenkawh a ni dawn tih sawiin sorkarin kaihhruaina a siam zawm lote chu hremna na tak pek theih an ni tih a sawi.