Bangladesh-a in kangah mi 19 thi

Bangladesh khawpui, Dhaka-ah Ningani tlai khan in chhawng 22-a sang, FR Tower a kang a, mi 19 an thi a, midang 65 in hliam an tuar.

Kangmei chhuahna building-ah hian office leh restaurant eng emaw zat a awm. Kangmei hi chhawng riat-na aṭangin chawhnu dar 1 velah a chhuak ṭan a, chhawng dangte pawh rang takin a man kai nghal a ni. Kangmei chhuah chhan hi hriat chian a la ni lo. Fire Service and Civil Defence headquarters-a duty officer, Farid Uddin chuan kangmei chhuak ṭhelh tur hian kangṭhelh pawl 21 tirin, chawhnu dar 4:45 velah an ṭhelh mit thei niin a sawi. Kangṭhelhna atan hian helicopter-te pawh hman tel a ni.