Baghdad Covid-19 hospital kangah mi 27 an thi

Iraq khawpui, Baghdad-a Covid-19 hri kaite enkawlna, Ibn al-Khatib Hospital-a intensive care unit (ICU)-ah nimin zing khan kangmei a chhuak a, mi 27 an thi a, mi dang 46 an hliam.

Kangmei chhuahchhan hi oxygen tank puak vang niin damdawi-in lama thuneitute chuan an sawi.

Civil defence official-te chuan damdawi-inah hian fire protection system a awm loh avang leh, an ceiling siamte a dik tawh loh avangin kangmei chhuak hi a darh chak hle tih an sawi. Civil defence unit hotu, major-general Kadhim Bohanm chuan damdawi-inah hian damlo 120 enkawl mek bakah dam lo awmpuitu eng emaw zat an awm tih a sawi a ni.

PM Mustafa al-Kadhimi chuan chhiatna thlen dan chu chhui chiang turin thupek a tichhuak nghal a, he thil thleng hi inthladah vang a ni thei tih sawiin, hospital manager leh security hotute chu man nghal turin a ti.