London-ah lockdown duh loten kawng an zawh

Britain sorkarin hri leng vanga khauhkhirhna a siamte duh loin, kar liam ta Inrinni khan central London-ah mi tam takin kawng an zawh.

Hri leng darh zel tur venna atan sorkarin punkhawm khapna thupek siam mah se, mipuite hian sorkar khuahkhirhna siamte chu ṭhil ṭul lo leh an dikna chanvo neih palzut sakna nia puhin kawng an zawh a, an kawngzawh hi 'Unite for Freedom' tiin an vuah.

Media report chuan pung­khawm hi mi 10,000 vel an tling niin an tarlang. Kalkhawmte hian Covid-19 vaccine lak an thlawp loh thu leh mask vuah pawh an duh loh thu an aupui a ni.

England-ah hian tun hnaiah hri leng vanga khuahkhirhna siam tam zawk chu thlah dul chhoh a ni ṭan tawh a, dawr tin leh outdoor hospital-te pawh April 12 aṭang khan hawn ṭan an ni a, mahse May 17 thleng punkhawm khap a la ni thung.