Japan-in Tokyo leh Osaka-ah vaccine centre lian hawng dawn

Japan sorkar chuan Covid-19 vaccine pek chhuah hna chak zawka kalpui a nih theihna turin Tokyo leh Osaka khawpuia vaccination centre lian tham tak hawn a tum.

Tualchhung chanchinbute chuan May thla tirah vaccine centre-te hi hawn an ni dawn tih sawiin, heng centre-ah hian ni khatah mi 10,000 hnenah vaccine hi pek theih a ni dawn a ni. Vaccine pek chhuahnaah hian Self-Defence Force-a medically trained staff-ten an pui bawk ang.

Japan hian tun thla aṭangin kum upa zawkte hnenah vaccine hi a pe chhuak ve ṭan chauh a, health minister Norihisa Tamura chuan July thlaah kum 65 hnuai lamte tan vaccine hi pek chhuah hman tum a ni tih a sawi.