Myanmar air base pahnihin beih an tawk

Myanmar ramah Thawhlehni khan tu tih hriatloh ten bomb leh rocket hmangin air base an bei niin thuthar thehdarhtute chuan an sawi.

He inbeihna hi February 1-a Myanmar sipaiten thuneihna an hnehchhuh duhloh vanga buaina kalzela ngaih theih a ni a, he pawikhawihnaa inhnamhnawih emaw hliam tuar emaw an awm hriat a nilo.

Thawhlehni-a Magway central town a inbeihna hmasa zawkah hian bomb vawi thum tihpuah niin, a hnu lawkah Myanmar air base lian pakhat Meiktila-ah rocket panga kahluh a nih thu Delta News Agency reporter Than Win Hlaing chuan a sawi.

Than hian rocket puak lai niawm taka lang video clip a post a, mahse he video hi a tak ngei a ni tih an finfiah thei lo thung.

Myanar ram hruaitu, Nobel Prize pawh lo dawng tawh Aung San Suu Kyi kaihhruai sorkar thlawptute chuan sipaiten civil sorkar thuneihna an hnehchhhuh duhlohna lantirnin an ram khawpui hrang hrangah lungawi lohna an la lantir chhunzawm reng a ni. Nawrh huaihawt leh sipaite innawr buai foin, sipai kut tuarin mi 750 chuangin nunna an chan tawh tih activist group pakhat chuan a tarlang bawk.