Chhiah tihsan duh loin Colombia-ah kawng zawh

Colombia sorkarin chhiah tihsan a tumna duh loin Cen­tral Union of Workers (CUT) huaihawtin an ram khawpui, Bogota leh khawpui dangahte Nilaini khan mipuiten kawng an zawh.

Kawngzawhte hian sorkar hmun ṭhenkhatte an suasam nia sawi a ni a, police-te nen innawr buaiin police officer 42 in hliam an tuar a, civil mi zingah hliam tuar tam tak an awm tel bawk.

Bogota-ah chuan kawng zawhte leh police-te innawrnaah hliam tuar mi 31 an awm a, Cali khuaah chuan sipaite tirh luh niin, nawrh huaihawtten bus eng emaw zat tan hal avangin curfew puan a ni zui bawk.

Hetih lai hian unoin leader-te chuan mipuite chu lungawi lohna lantir chhunzawm zel tura fuihin, May 19-ah kawngzawh an tum leh tih an puang nghal a ni. Nawrh huaihawtte chuan chhiah pek dan tur tihdanglam an tumna chu sut leh nghal turin sorkar an phut a ni.

Sorkarin chhiah pek dan tur siamṭhat a tumnaah hian mimal leh sumdawngten sorkara chhiah an pek ṭhin chu tihsan a ni dawn a, hei bakah hian ngaihhna­thiamna hrang hrang awm ṭhinte pawh tihbo tum a ni bawk a ni.