Palestinian Parliament inthlan hun tur sawn hla

Palestinian Authority chuan Parliament inthlan thla thara neih tur chu a sawn hla.

Inthlan neih hun sawn hlat a nih thu hi Palestinian Authority president Mahmoud Abbas chuan a puang a, July thlaa President thlanna neih tur pawh a sawn hla tel bawk.

President Abbas hian a party, Fatah party chhungah innghirnghona a awm avangin party hotu a nihna dinhmun a derthawng thei nia sawi a ni a, hei vang hian inthlan hun pawh a sawn nia ngaih a ni.

Inthlan hun sawn anih avang hian Palestinian mi tam tak an lungawi lo hle a ni a, West Bank leh Gaza-a khawpui hrang hrangah kawng an zawh. Kum 15 chhung inthlan buatsaih a ni tawh lo a, President Abbas hian Israel aṭanga independence a sual chhuah theih lawk loh avangin hruaitu thlak an duh tawh tihte an sawi.