Brazil-ah China siam Covid-19 vaccine hman duh lo pungkhawm

Brazil-a São Paulo-ah China siam Covid-19 vaccine, Sinovac hman duh lo mi 300 chuang chu Pathianni khan an pungkhawm.

October 20 khan Brazil health minister Eduardo Pazuello hoin an rama state governor-te chuan meeting an nei a, he meeting thuchhuakah hian Sinovac vaccine chu dose maktaduai 46 lei an tum thu leh an rama immunization program-a a tel thu tarlan a ni. He vaccine duhtu zingah hian São Paulo  governor João Doria pawh a tel. Mahse hemi tuk hian Brazil president Jair Bolsonaro chuan an ramin China siam Covid-19 vaccine, Sinovac chu lei an tum loh thu a puang ve leh a ni. 

São Paulo-ah hian Sinovac vaccine hi phase III clinical trial neih pui mek a ni. Govenor-in he vaccine hi thlawp mah se, mipuite chuan President chu an thlawp zawk tih an sawi. Lungawilote hian Chinese ambassador João Doria hmalak tumna chu an duh loh thu an sawi bawk. Doria hian Sinovac vaccine hi peih fel a nih hunah chuan an khuaah hian hman ngei ngei tur a ti a ni.