Myanmar ram buainain thawm nei lian zel

Myanmar ram khawpuiah Pathianni khan mi tam tak chu democratic reform titawpa an rama hmasawnna tiṭhuanawp zawnga thla thum chuang sipai rorelna hnuaia an awm duhlohna lantirin an pungkhawm.

Pungkhawm hi an tam em avangin sipaiho in an khap hman lo a, rampawn lama thawnchhuah te nen ṭanghoin "global Myanmar spring revolution" hmingpu a kalkhawm chuan Myanmar mipui ṭanhona hmangin khawvel nghawr nghin an tum tih an sawi.

Thla thum liamta chhung khan hmar leh khawchhak lama ramriah hel leh sipaite inbeihna hluar chho leh avangin mi sing chuangin Myanmar an chhuahsan tawh a ni. Hmun ṭhenkhatah chuan tualchher hmanrua hmangin mipuiten security force beiletin, sipai leh sorkar hmun kum tam tak an humhim tawh te pawh rocket hmanga beih an ni. An rama chanchinthar thehdarhtu pui ber chuan darkar 36 liamta chhungin Yangon khawpui ah ṭum 11 bomb a puak tih a sawi a, mahse nunna chan emaw pawikhawihtu emaw hriat an la ni lo.

Khit Thit media chuan police riah khawmna bulah bomb hi puakin, lirthei tamtak hal an ni tih a tarlang. Assistance Association for Political Prisoners advocacy chuan security force ten sipaiten lungawilohna lantirtu mi 759 an thah tawh thu a sawi.

Sipaite chuan April thla laihawl thleng khan nawrh huaihawt zinga mi 248 an thi tawh niin a sawi thung a, heng mite pawh hi buaina chawk chhuak a, tharum thawhna an thlen avanga kahhlum an ni tih a sawi. Buaina chhuakah hian sipai pawh eng emaw zat an thi tel tawh niin a sawi bawk.