New Zealand PM-in a thawhpui turte puang

New Zealand prime minister Jacinda Ardern chuan a kaihhruai sorkar thara a cabinet member turte nimin khan a puang. 

Jacinda Ardern chuan deputy prime minister atan mahni anpui kawp, Grant Robertson a ruat a, foreign minister atan a hmaia tattoo nei (traditional Maori tattoo) Nanai Mahuta a ruat. Climate change minister atan hian Ardern chuan One Greens co-leader, James Shaw chu a ruat a, heng mite hi tun kar Zirtawpni hian lawmluh an ni ang. Kum 40 mi Ardern chuan a cabinet chu mi chi hrang hrang awm khawmna a nih thu a sawi. 

Ardern chuan a enkawl sorkarin Covid-19 do leh ram economy siamṭhat chu a thupui ber tur a nih thu a sawi a, Covid-19 dona kawngah phei chuan ramdangte fak a hlawh hle.

October 17 khan New Zea­land-ah hian seat 120 awmna, House of Repre­sentative inthlanpui neih niin, he inthlanpuiah hian sorkar lai Labour party chuan chu party mala sor­karna siam theia thlan tlin a ni. Mahse Adern chuan party mala sorkar siam loin, Green Party  chu ṭangrual sorkar a siampui a ni.