Mexico metro overpass chimah mi 20 an thi

Mexico City-a metro overpass chu Thawhṭanni zan khan metro train car a tlan laiin a chim a, mi 20 an thi a, mi dang 70 velin hliam an tuar.

Civil protection agency chuan chhiatna thlen hun hi an ram huna zan dar 10:30-ah a nih thu leh, a chimna lai hi metrol Line 12 a nih thu a sawi. He line siam lai hian a ṭha tawk lo nia sawiselna pawh a lo awm fo a ni.

City mayor Claudia Sheinbaum chuan chhiatna thlenna hmunah hian chhanchhuah hna thawktute an kal nghal thu sawiin, hliam tuarte pawh damdawi-in lamah hruai nghal an ni tih a sawi. Chhiatna thlen dan chu chhui chian a ni dawn tih a sawi bawk.