Myanmar-a NUG-in defence force din

Myanmar sipaiten civil sorkar thuneihna an paihthlak hnua sipai rorelna dodaltuten civil sorkar aiawh tura an din, national unity government (NUG) chuan sipaiten an beihna laka mipuite venghimtu tur, 'people's defence force' an din tih an sawi.

NUG hi chuan defence force an din chu Federal Union Army kalphung anga din a ni tih sawiin, an rama kum 70 zet civil war thleng tawh tihbo a nih theina leh, security sector siamṭhatna atana din an nih thu an sawi a ni.

Sipai rorelna duh lohna lantira nawrh huaihawt zinga tam tak chu sipaiten kaphlum tawhin, pungkhawmte chuan sipaite beih an tawk fo a ni.

Hengte mite venghim tur hian defence force hi din a ni NUG chuan a sawi rualin, ralthuamte pek an nih dawn leh dawn loh erawh a sawilang lo a, eng angin nge he force hi kal chhohpui a nih dan tur pawh puanzar a ni lo.