Spain-in state of emergency hlip ta

Spain sorkarin an rama hripui leng vanga nikum October thlaa ram puma state of emergency a puan chu Pathianni khan a hlip ta. Hun rei tak hnuah Spain mipuite chu ram chhungah zalen takin an zinkual leh thei ta a ni.

State of emergency hi hlih ni mah se, region-te chuan inkhuahkhirhnate hian bial chhungah a ṭul chuan an la siam chhunzawm thei ang.

Hri laka invenna tura kaihhruaina - hmaituamna vuah leh mi paruk aia tam awmkhawm phal loh chu hman chhunzawm la ni mah se, Pathianni zan khan he kaihhruaina palzutin mi tam tak chu kawtthlerah emergency tawp lawmin an pungkhawm.

Pungkhawm zinga a tam zawk hian face mask pawh an vuah lo. Madrid leh Barcelona khawpuiah chuan police-ten pungkhawmte hi an hnawtdarh a ni.